Parlamentu Nasionál liu husi, sesaun plenária ordinária iha loron 25 fulan novembru tinan 2024, fo autorizasaun ba dezlokasaun Prezidente Repúblika, José Manuel Ramos Horta, atu halo vizita Estadu ba Repúblika Bangladesh, iha loron 14 too 20 fulan dezembru tinan 2024, ho votus 31 a favor, 14 kontra no 2 abstensaun.
Vizita Estadu ne’e hodi responde ba konvite husi Prezidente Repúblika Bangladesh nian hodi partisipa hanesan konvidadu de honra iha selebrasaunn Dia da Vitoria no mos partisipa iha eventu akademikus nebeé promove husi Estudante Universitáriu Daca nian.
Além de ne’e, no período antes ordem do dia, Plenário Aprova votus pezar ba Saudoso António Soares da Silva “MauKalo” no Titi Irawati, ho votus, 54 a favor, 0 kontra no 0 abstensaun; no-mos distribui no apresia ba relatóriu husi 13ª Reuniaun Interface husi líderes AIPA-ASEAN nian iha Viantiane, Laos.
Entertantu iha intervensaun diversas nian, Deputadu sira aprezenta kestaun kona-ba, problema sira mak hanesan: estrada, bee mos, eletricidade, jestaun merkadu, lixu no mos kestaun importante sira seluk ne’ebé precisa atensaun husi Governu;
Reuniaun plenaria ne’e prezide husi Prezidente Parlamentu Nasionál em Exersisiu, Maria Terezinha Viegas, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
