Parlamentu Nasionál liu husi reuniau Plenária Extraordinária, iha loron 14 fulan novembru tinan 2024, kontinua halo diskusaun no aprovasaun iha espesialidade ba Proposta Orsamentu Jeral Estadu ba tinan 2025 nian.
Iha sesaun ne’e, Deputadu sira hahú ho diskusaun no aprovasaun ba osamentu alokadu ba Ministériu no sekretaria Estadu sira mak hanesan:
Sekretaria Estadu Kooperativa ho total USD 6.058.762 dolar amerikanu, ho votus 44 a favor, 18 kontra no 2 abstensaun;
Osamentu ba Ministériu Koordenador Asuntu Sosial ho total USD 1.009.200 dolar amerikanu, aprova ho votus 45 a favor, 18 kontra no 1 abstensaun;
Osamentu ba Ministériu Finansas ho total USD 18.889.241 aprova ho votus 43 a favor, 18 kontra no 3 abstensaun;
Osamentu ba Dotação Jeral Estadu ho total USD 314.646.630 aprova ho votus 49 a favor, 6 kontra no 9 abstensaun;
Osamentu ba Ministériu Negosius Estranjeirus no Kooperasaun ho total USD32.109.497 dolar amerikanu, aprova ho votus 43 a favor, 20 kontra no 1 abstensaun;
Osamentu ba Ministériu Justisa ho total USD 12.876.049 dolar amerikanu, ho votus 43 a favor, 20 kontra no 1 abstensaun;
Osamentu ba Ministériu Administrasaun Estatal ho total USD 25.998.921, ho votus 42 a favor, 20 kontra no 2 abstensaun;
Antes halo aprovasaun, Deputadu sira halo diskusaun no votasaun ba proposta alterasaun sira ne’ebé aprezenta, no ikus proposta sira ne’e balun passa no balun la passa, ho nune, montante osamentu alokadu sofre alterasaun, espesifikamentu ba Dotasaun Jeral Estadu.
Diskusaun ne’e ensera iha 18h20 no sei kontinua iha loron 15 fulan novembru tinan 2024 hodi diskute ba orsamentu órgaun soberanu seluk.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan Prezensa husi Primeiru-Ministru, Kay Rala Xanana Gusmão ho membru Governu sira. FIM
