Prezidente Parlamentu Nasionál (PPN), Maria Fernanda Lay, akompaña husi Sekretáriu-Jeral Parlamentu Nasionál, Edgar Sequeira Martins, simbolikamente entrega save motor roda tolu ba Difisiente ain, Jose Corbafo (husi Oecusse), iha loron 5 fulan novembru tinan 2024, iha Sala Konferénsia Parlamentu Nasionál.
Programa ne’e husi Organizasaun RA’ES Hadomi Timor Oan (RHTO), Reprezenta husi Diretor Ezekutivu, Joãozito dos Santos ho nia equipa sira no hetan apoiu finanseiru husi Organizasaun Igreja Katolika Alemaña nian. Organizasaun Alemaña ne’e maka kria projetu ho naran “Sustentabilidade Rendementu Ekonomia Ema ho Difiseinte iha Timor-Leste”. Projetu ne’e hahu ho atribuisaun motorizada tolu ba manan nain sira, ne’ebe etapa dahuluk entrega husi Prezidente Parlamentu Nasionál no sei kontinua entrega husi Xefe husi Orgaun Estadu sira seluk.
Premiu ne’e mai husi selesaun ne’ebe rigoroju liu husi RHTO, maibe manan na’in sira hili husi Xefe Orgaun Soberanu sira, liu-liu hare ba rekizitu hanesan iha abilidade atu konduz no hadiak motor hodi bele uza ba tempu naruk ba hadiak ekonomia uma laran nian.
Iha reuniun ne’e, Prezidente mos hato’o obrigada ba kooperasaun ida ne’e, kestaun ema ho difiseinte ne’e sai importante tebes atu Orgaun Soberanu sira tau matan tuir kompetensia ne’ebe maka iha. Prezidente mos motiva ema ho difisiente sira iha Timor-Leste, hodi hateten katak “Isin mak defisiente maibe hanoin la defisiente, konta ho kontribuisaun ema ho difiseinte nian ba iha prosesu dezenvolvimentu iha Timor-Leste”. Ikus Prezidente nia esperansa ba oin katak projetu ne’e la’o diak nafatin hodi hadiak ema ho difisiente nia moris tuir duni nesesidade ne’ebe maka iha no susesu ba iha RA’ES. FIM
