1ª Vice-Prezidente Parlamentu Nasionál, Maria Terezinha Viegas, akompaña husi Deputada Aliança de C. Araújo, Sekretariu Jeral Parlamentu Nasionál, Diretora Gestão Finançeira no tekniku sira, halo reuniaun ho Delegasaun husi UNDP, Sr. Bruno Lencastre, PRO PALOP-TL Sr. Ricardo Godinho Gomes. iha loron 24 fulan outubru tinan 2024, iha Gabinete Vice-Prezidente nian.
Iha reuniaun ne’e koalia liu kona-ba kooperasaun servisu entre UNDP, PRO PALOP-TL ho Parlamentu Nasionál, hodi hare liu ba atividade ou programa ne’ebe mak importante PRO-PALOP bele fo apoio, husi Parlamentu Nasional mos presisa hare programa saida mak PRO-PALOP sei fo apoio, Sekretariadu Jeral Parlamentu Nasional mos sei halo identifikasaun ba areas ne’ebe mak importante atu nune bele aprezenta fali ba PRO PALOP-TL, no PRO PALOP-TL mos sei dejena sira nia programa no sei haruka mai Parlamentu Nasionál atu nune parte husi Sekretariadu bele halo verifikasaun ba programa sira ne’e, no sei finaliza hafoin bele implementa programa refere, PRO PALOP-TL tau importansia liu iha Programa ida mak hanesan reforsa iha areia Gestaun Finanças Publikas nian.
Reuniaun ne’e hanesan faje dahuluk hodi diskuti programa ou areias ne’ebe mak presisa apoio husi PRO PALOP-TL, faje tuir mai sei aprezenta proposta sira husi parte Parlamentu, no PRO PALOP-TL sei lori proposta ne’e hatama ba sistema sira nian depois halo aprovasaun final mak foin bele halo implementasaun. FIM
