Prezidente Parlamentu Nasionál (PPN) , Maria Fernanda Lay, akompaña husi nia Vise-Prezidente, Alexandrino Afonso Nunes, Vise-Sekretaria Meza, Bendita Moniz Magno, Deputada Marquita Soares no equipa tekniku sira, kontinua partisipa Reuniaun Asembleia Jeral ASEAN Inter-Parlamentar Assembleia (AIPA) ba dala 45° ba loron da-ruak nian iha loron 19 fulan outubru tinan 2024, iha Sentru Konvensaun Nasionál, Vientiane LAOS PDR.
Reuniaun ba loron da-ruak ne'e konaba abertura Sesaun Plenaria Asembleia Jeral AIPA nian nebe ho tema :"Servisu Parlamentar mak Hasa'e Konektividade no Kresimentu Inkuzaun ASEAN nian."
Iha Sesaun Plenaria nivel as ida ne'e, Prezidente Parlamentu mos hetan oportunidade hamutuk ho Reprezente Parlamentu Internasional ASEAN no Asembleia husi nasaun sira husi kontinente Eropa, Australian, Afrika no America hato'o diskursu liga ba tema nebe mak iha.
Reuniaun Plenaria Asembleia ne'e loke husi Prezidente Asembleia Nasionál LAO nian, Saysomphone Phomvihane,nudar Prezidente ba Asembleia Jeral AIPA ba dala 45° nian,.. Prezidente Republika LAOS, Thongloun Sisoulith no Sekretaria Jeral AIPA nian, Ar. Siti Rotai Dato Haji Abdul Rahman.
Antes tama ba Sesaun abertura ne'e, Prezidente Parlamentu Nasionál inklui Reprezentante Parlamentu internasional seluk hola parte iha Sesaun kumprimenta no bemvindu husi Prezidente Asembleia Nasionál LAO nian, Saysomphone Phomvihane ho nia espoza.
