Parlamentu Nasionál liu husi Komisaun D, ne’ebé trata asuntu Ekonomia no Dezenvolvimentu, realiza audiénsia públika dahuluk iha âmbito Diskusaun OJE 2025 nian, iha loron 18 fulan outubru tinan 2024, iha Sala Konferénsia.
Audiénsia ba loron dahuluk ne’e, iha parte dader Komisaun halo ho SEFOPE no parte lokraik ho Vice-Primeiru-Ministru no Ministru Dezenvolvimentu Rural no Habitasaun Komunitária, kona-ba apresiasaun inisial ba Proposta Lei n.º 12/VI (2ª) – Orsamentu Jeral Estadu ba tinan 2025.
Enkuantu, komisaun sira seluk, sei hahu audiénsia iha loron segunda-feira, 21 fulan outubru tinan 2024
Audiénsia publika ne’e sei halo durante loron lima, hahu 21 to’o 25 fulan outubru tinan 2024, ho Membru Governu no entidade relevante sira, tuir área temátika Kada komisaun sira nian, no tuir kalenáriu audiénsia ne’ebé Komisaun sira aprova ona. FIM.
