Sekretariu-Jeral Parlamentu Nasionál, Edgar Sequeira Martins partisipa iha reuniaun Assosiasaun Sekretariu-Jerais Parlamentar Uniaun Inter Parlamentar (ASGP-UIP), durante loron tolu, iha loron 15 too 17 fulan outubru tinan 2024, iha Genebra Suíça.
Iha reuniaun durante loron tolu ne’e, Sekretáriu-Jeral sira diskute asuntu sira mak hanesan, artikulasaun servisu komisaun sira nian iha idak-idak nia Parlamentu; Prestasaun servisu administrativu no tekniku ba prosesu no asistensia ba visita oficial Deputadu sira nian.
Além de ne’e, diskute mos tema kona-ba inteligência artifisial ne'ebe mak oras dadaun instituisaun sira komesa introdus iha jestaun instituisaun ida idak. Esperénsia ne'ebé mak husi nasaun seluk partilha, enkuandtu, parte Parlamentu Nasionál Timor-Leste mos implementa dadaun ona sistema teknolojia iha jestaun parlamentares nian.
Iha sesaun ne'e mos Sekretariu-Jeral sira halo eleisaun ba Prezidente foun ASGP-UIP nian, maka Sekretariu-Jeral Uruguai ho mandatu tinan 3 (tolu). FIM
