Prezidente Parlamentu Nasionál, Maria Fernanda Lay, akompaña husi Deputadu sira Grupu Parlamentar Asean ba Direitus Humanus (APHR, sigla iha Ingles), Deputada Maria Angelina Sarmento, Deputada Lídia Norberta, Deputada Bendita Moniz Magno no Deputadu José da Cruz, simu audiénsia husi Diretora Ezekutiva Sekretariadu APHR nian, Sra. Yuyun Wahyuningrum ho nia ekipa, iha loron 20 fulan setembru tinan 2024, iha Sala Konferénsia Parlamentu Nasionál.
Reuniaun ne’e ho objeitivu atu aprezenta servisu ne’ebe APHR halo durante ne’e ho prezensa membru Deputadu sira. Alén de ne’e, atu insentiva Deputadu Joven sira hotu hodi hola parte iha membru APHR, atu nune bele buka hatene planu estratejia ba tinan lima oin mai, saida mak importante hodi apoiu no hatudu solidaridade ba vítima sira husi violasaun Diretus Humanus, nune’e mos kona-ba oinsa atu dezemvolve Demokrasia iha sudeste aziatiku.
APHR hanesan organizasaun ida nebe mak halibur membru sira Parlamentu iha Nasaun sudeste aziatiku, ho ida nee delagasaun APHR mai Timor Leste hakarak rona hanoin balun husi Prezidente Parlamentu Nasionál ho Deputadu sira. Delegasaun ida ne’e, sei halo reuniaun hanesan ho Membru Deputadu sira kada nasaun hanesan Indonésia, Malásia, Singapura, Filipina, Tailândia no nasaun seluk tan, hodi rona no tau hamutuk hanoin sira ba diskusaun tuir mai iha konferénsia APHR nian iha fulan dezembru.
Iha reuniaun nee Prezidente Parlamentu ho Deputadu sira APHR Timor-Leste nian, hato’o rekomendasaun atu oinsa atu elabora Lei Cyber Crime hodi proteje Diretus Humanus, além de ne’e, sita mos kona-ba elaborasaun Proposta de Lei ruma ne’ebé ligadu ho kestaun teknolojia mundial. FIM
