Sekretariadu-Jeral Parlamentu Nasionál, representa husi Sekretariu-Jeral Adjuntu, João Rui Amaral, iha loron 19 fulan setembru tinan 2024, iha Sala Konferensia Parlamentu Nasionál, entrega sertifikadu ba formandu sira e’ebe partisipa iha formasaun kona-ba Operasaun Sistema Sonoro, iha Jakarta, Indonesia.
Funsionáriu sira ne’ebé partisipa iha formasaun ne’e husi Radiu Televizaun Parlamentu Nasionál (RTPN), ne’ebé fahe ba grupu rua: grupu dahuluk tuir formasaun durante semana rua, entre 18 to’o 27 fulan julhu tinan 2024, no grupu daruak entre 28 fulan julho to’o 13 fulan agostu tinan 2024.
Objetivu husi formasaun ne’e atu fasilita no aumenta konhesimentu funsionariu sira RTPN nian hodi kontrola no assegura sistema sonoro ne’ebé liga direita ba atividade Plenario nian.
Iha sesaun atribui sertifikadu ne’e Sekretariu-Jeral Adjunto fo prendas rekordasaun ba Tekniku sira husi organizasaun B-Universe, Jakarta Indonesia, ne’ebé durante ne halo instalasaun ba sistema sororu iha sala plenária. Serviço ne’e lao tanba iha kooperasaun entre Parlamentu Nasional ho Kompania lokal Arichacha Lda.
Antes distribui Sertifikado ho Prendas, ekipa husi Grupo rua ne’e halo aprezentasaun kona-ba matéria no prosesu tomak ne’ebe sira aprende durante semana haat iha Oraganizasaun B-Universe iha Jakarta Indonesia, kona-ba sistema sonoro ne’e rasik oinsa atu halo operasaun wainhira iha atividade iha Sala Plenaria.
Iha okaziaun ne’e, Sekretariu Jeral Adjunto hato’o agradesementu wain ba ekipa hotu ne’ebé kontribui no servisu hamutuk hodi finaliza ona instalasaun ba sistema Sonoro lao ho diak, no mos organizasaun B-Universe ne’ebe halo instalasaun ba sistema ne’e.
Partisipa serimonia ne’e, Diretur Komunikasaun, Joaquim Vicente, Diretur Apoiu Parlamentar, Quintiliano Ase, Xefe DIPAL, Vitorino Borges de Deus, Xefe CEFOR, Jaimito Ribeiro no Chefe RTPN, Natalício Simões dos Santos. FIM
