Parlamentu Nasionál liu husi Gabinete Estudu no Assesoria Parlamentar (GEAP), organiza formasaun kona ba metodologia peskiza ba Tekniku Superior Parlamentar iha GEAP inklui Divizaun sira seluk, durante semana ida, hahu 2 to’o 5 fulan setembru tinan 2024, iha Salaun Komisaun Nasionál Eleisaun Gleno, Munisípiu Ermera
Objetivu fundamental husi formasaun ne’e mak kontinua konsolida no hasa’e koñesimentu no abilidade funsionariu-sira nian iha área metodolojia peskiza-nian, liu-liu metodu peskiza on-line, metodu peskiza kualitativu, kuantitativu, no mistu, maneira eskolla amostra no mos métodu eskolla topiku ba peskiza.
Formasaun ne’e rasik hetan abertura husi Sr. Sekretáriu-Jeral Parlamentu Nasional, Edgar Sequeira Martins, iha nia diskursu abertura, hatete, tempu resesu hanesan oportunidade ba funsionariu-sira atu partisipa iha formasaun tambá ne’e husu formandu-sira atu aproveita oportunidade ne’e ho diak tambá matéria ne’ebe formandu sira sei hetan mai duni husi peritu-sira iha área peskiza nian rasik. Sekretáriu-Jeral mos agradese ba GEAP no Sentru Formasaun (CEFOR) ba esforsu hodi konkretiza asaun formasaun ne’e. FIM
