Parlamentu Nasional representa husi Sekretariu-Jeral Adjuntu hala’o vizita traballu ba São Tomé e Príncipe, konvite husi Sekretariu Jeral Assembleia Nasional país refere, hahu husi loron 12 to’o 15 fulan agosto 2024.
Vizita ne’e ho objetivu prinsipal, para alem de kumpri konvite, serve mos hodi hametin liutan lasu amizade ne’ebe iha ona durante ne’e, troka mos esperensia entre Parlamentu rai-rua nian, nune’e mos fortalesimentu ba servisu-sira tekniku-nian.
Iha ambitu vizita traballu ne’e, Sekretariu-Jeral Adjuntu para alem de hala’o reuniaun ho Sekretáriu-Jeral Assembleia Nasional São Tomé e Príncipe, Domingos Jose da Trindade Boa Morte, hetan mos oportunidade hodi kumprimenta Senhora Prezidente Assembleia Nasional, Celmira Sacramento, no mos Primeiru-Ministru Patrice Émery Trovoada, iha sira ida-idak nia gabinete.
Sekretariu-Jeral Adjuntu iha biban ne’e mos, hala’o vizita ba Assembleia Nasional-nian hodi haree besik liu tan funsionamentu kada departementu, no-mos partisipa iha abertura no enseramentu sesaun traballu nivel tekniku iha sala três Assembleia Nasional-nian. FIM
