Parlamentu Nasionál liu husi Komisaun Permanente, iha loron 06 fulan agosto tinan 2024, halo reuniaun plenária dahaat ne’ebe prezide husi Prezidente Parlamentu Nasionál, Deputada Maria Fernanda Lay.
Iha reuniaun plenária dahaat ne’e, hahu ho Exekusaun Hino Nasional. Hafoin de ne’e, Mesa hato’o informasaun kona-ba submisaun relatório dezempenhu segundu trismestre tinan 2024 nian; nune’e mos Bankada Parlamentar KHUNTO hato’o deklarasaun politika kona-ba problema edukasaun iha eskola tekniku vokasional sira iha território nasionál.
Além de ne’e, Deputadu sira membru Komisaun Permanente nian aprezenta preokupasaun sira kona-ba problema iha área educação, área saúde, problema infraestrutura bázika hanesan estrada, ponte, irrigasaun, no-mos apresenta problema kona-ba organizasaun limpeza jeral iha Capital Díli, problema bolsa hakbiit no-mos informasaun importante sira seluk ne’ebe presija atensaun husi Governu.
Sesaun plenária ne’e preside husi Presidente Parlamentu Nasionál, Deputada Maria Fernanda lay, no akompaña husi membru Meza sira no hetan prezensa husi Vise-Ministru ba Asuntu Parlamentar, Adérito Hugo da Costa. FIM
