Prezidente Parlamentu Nasionál, Maria Fernanda Lay, akompaña husi Vice-Prezidente Parlamentu, Maria Terezinha da Silva Viegas, hanesan Prezidente Grupu Nacionál AP-CPLP no membro AP-CPLP Timor-Leste nian, partisipa iha reuniaun ba dala sanulu resin tolu Assembleia Parlamentar da Comunidade dos Países da Língua Portuguesa (XIII AP-CPLP), ho Tema “Promoção da Democracia e do Estado de Direito nos Países da CPLP”, iha loron 22 to’o 23 fulan jullu tinan 2024, iha Assembleia da Repúblika Moçambique (Maputo),
Iha okaziaun ne’e, Prezidente Parlamentu Nasional ho Membru Grupu Nasional AP-CPLP nian partisipa iha sesaun solene abertura ba reuniaun ba dala XIII AP-CPLP, ho reuniaun oi-oin mak hanesan; Partisipa iha reuniaun Komisaun 1, trata kona-ba Polítika, Estratéjia, Lejislasaun, Sidadania no sirkulasaun, Komisaun 2, trata kona-ba Ekonomia, Ambiente no Kooperasaun no Komisaun 3, trata kona-ba Lingua, Edukasaun, Siénsia no Kultura. Além de ne’e, partisipa mos iha reuniaun Rede Mulheres Parlamentares, Rede Jovem Parlamentares no Prezidente Grupu Nasionál sira.
Iha reuniaun ida ne’e, marka prezensa husi representante husi Países Membrus mak hanesan, Assembleia Nasional Angola, Assembleia Nasional Cabo-Verde, Assembleia Nasional Popular Guine-Bissau, Assembleia Nasional Guine Equatorial, Assembleia Repúblika Moçambique, Assembleia da Repúblika de Portugal, Assembleia Nasional São Tome e Príncipe no Parlamento Nasional Timor-Leste. FIM
