Parlamentu Nasionál liu husi Komisaun Permanente, iha loron 24 fulan jullu tinan 2024, halo reuniaun plenária daruak ne’ebe prezide husi Prezidente Parlamentu Nasionál interinu, Deputadu Alexandrino Afonso Nunes.
Iha reuniaun plenária daruak ne’e, Deputadu sira membru Komisaun Permanente nian aprezenta preokupasaun sira kona-ba infraestrutura bazika hanesan bee moos, eletricidade, estrada, saúde, no edukasaun ne’ebe presija atensaun husi Governu.
Durante reuniaun, membru sira Komisaun Permanente mós konkorda atu sesaun plenária ne’e realiza fali kada tersa-feira atu bele hetan prezensa husi membru Governu. FIM
