Ministru Administrasaun Estatal, Tómas do Rosario Cabral, ho nia ekipa, atualiza preparasaun kona-ba vizita ofisiál Papa Francisco, nian ba Prezidente Parlamentu Nasionál, Maria Fernanda Lay, akompaña husi membru Meza sira no Xefe bankada parlamentar, iha loron 17 fulan jullu tinan 2024, iha sala konferensia Parlamentu Nasionál nian.
Durante oras ida nia laran, Ministru Administrasaun Estatal lori komisaun organizadora atualiza preparasaun tomak ne’ebe durante ne’e Estadu no Igreja halo hodi simu Papa Francisco durante loron tolu iha Timor-Leste, hahú husi loron 9 too 11 fulan setembru tinan 2024.
Preparasaun ne’ebe Estadu no Igreja Katolika halo mak preparasaun espiritual no lojistikamente oinsá simu Papa Francisco ho diak durante iha Timor-Leste, ho nia ajenda traballu tomak ne’ebe hetan ona konkonrdansia husi Vatikanu rasik.
Minisitru Administrasaun Estatal mós informa kona-ba sekuensia atividade ka serimonia husi Papa Francisco nian ba Deputadu sira hanesan representante povo hodi bele hatene no aproveita hodi rona mós opiniaun ka sujestaun balun hodi melhoria preparasaun atu simu vizita ofisial refere. FIM
