Parlamentu Nasionál, liu husi Sekretariadu-Jeral, reprezenta husi Divizaun Relasaun Publika no Komunikasaun simu vizita husi Delegasaun Parseria Uma Demokrasia (Delegation of House Democracy Partnership (HDP)) Konsiste husi Eis-Kongresista Estados Unidos de America, nebe lidera husi Nick Rahal, mai iha Parlamentu Nasionál, iha loron 24 fulan juñu tinan 2024.
Visita ne’e halo liu husu koopreasaun bilateral entre Parlamentu Nasional ho IRI (International Republic Institute ) iha Timor-Leste, lidera husi Darin Bielcki ho objetivu hodi mai hare direta kondisaun funsionamentu servisu Parlamentu Nasional. Além de ne’e, halo mos reniaun kortezia ho membru Grupo Amizade Parlamentar Timor-Leste ba Estadus Unidos Amerika (EUA).
Reuniaun ne’ebe lidera husi Prezidente Grupo Amizade Parlamentar entre Timor-Leste ho EUA, Deputada Cedelizia Faria dos Santos no akompaña husi nia membru sira, koalia kona-ba hametin kooperasaun amizade entre nasaun rua ba hadiak servisu Parlamentu Nasionál tanto ba Deputadu VI Lejislatura ka ba funsionariu sira, liu-liu liga ba iha prosesu lejislasaun nian iha futuru.
Prezidente Grupo Amizade Parlamentar entre Timor-Leste ho EUA, lori membru sira nia naran hato’o agradese wain ba IRI ne’ebe mak lori ona Delegasaun Eis-Kongresista mai iha Parlamentu Nasional, hodi hare direta situasaun real sira. Ho reuniaun badak ida ne’e, bele hametin liu tan relasaun de amizade entre EUA liu husi IRI no Parlamentu Nasional. FIM
