Parlamentu Nasionál liu husi sesaun plenária ordinária iha loron 4 fulan juñu tinan 2024, realiza sasaun solene hodi fó homenagen ba Saudozu Júlio Sarmento da Costa “META MALI” ne’ebe hakotu is iha loron 24 fulan maiu tinan 2024.
Saudozu Meta Mali hanesan antigu Deputadu Parlamentu Nasionál IV Lejizlatura, no sai mós membru Governu iha VIII Governu Konstitusional.
Sesaun solene ne’e hahú ho ezekusaun Hino Nasionál no kontinua ba minutu hakmatek ne’ebe prezide husi Vise-Prezidente Parlamentu Nasionál, Alexandrino Afonso Nunes.
Hafoin ida-ne’e, Bankada Parlamentar sira hato’o deklarasaun bankada nian hodi manifesta sentidu kondolensia no aprezenta memoria kontribuisaun saudozu nian ba luta libertasaun nasionál inklui iha prosesu dezenvolvimentu iha Timor-Leste.
Sesaun plenária ne’e prezide husi Prezidente Parlamentu Nasionál, Maria Fernanda Lay no akompaña husi Membru Meza no hetan prezensa husi Vice-Ministru ba Asuntus Parlamentares, Aderito Hugo da Costa no Familia husi Matebian. FIM
