Programa formação kona-ba arquivo hala’o iha 1-5 setembro iha Parlamento Nacional, ba funcionários Secretariado-geral Parlamento Nacional nian ne’ebé loroloron tem que lida ho arquivo serviço nian.
Funcionário hamutuk na’in-18 hussi divisão hotu-hotu hola parte iha formação ne’e.
Formação hala’o loroloron hussi tuku 09h00 to’o tuku 12h30, no inclui conceitos arquivo nian, diferença entre documento arquivo nian no documento biblioteca nian, conceito documento arquivo nian, documento sira-nia valor, teoria kona-ba idade tolu no documento sira-nia ciclo vida, atividades iha arquivo corrente, classificação, processos no sira-nia organização, coleções no sira-nia organização no registo.
Formando sira hetan avaliação durante formação ho objetivo atu adapta processo formativo liuhossi identifica lacuna hirak-ne’ebé iha. Formação ne’e nia finalidade mak ba formando sira atu domina conceitos básicos arquivo corrente nian no aplica loroloron iha arquivo oioin ne’ebé iha.
