Encontro ba dala 15 hussi Associação Secretário-Geral sira-nian hussi Parlamento sira-ne’ebé ko’alia Lian Português hala’o iha Brasília iha 8-10 setembro 2014, ho tema central “Parlamento ho Sociedade: mecanismo sira ba interação popular”.
Secretário-Geral do Parlamento Nacional, Dr. Mateus Ximenes Belo, hola parte iha encontro ne’e hodi Parlamento nia naran, no halo intervenção ida kona-ba: “Participação hussi sociedade civil iha atividade parlamentar: Audiência Pública”.
Presidência brasileira iha ASG-PLP, ne’ebé hahú iha Luanda, Angola, iha novembro 2013, remata iha Encontro ba dala 15 ne’e no agora troca ba Secretária-Geral da Assembleia Nacional de Cabo Verde.
Associação Secretário-Geral sira-nian hussi Parlamento sira-ne’ebé ko’alia Lian Português (ASG-PLP) constituída hussi Secretário-Geral ka cargo hanessan hussi Parlamento República de Angola, Cabo-Verde, Guiné-Bissau, Moçambique, Portugal, São Tomé e Príncipe e Timor-Leste, Senado e Câmara de Deputados hussi República Federal do Brasil.
Associação nia objetivo atu promove desenvolvimento cooperação técnico-parlamentar no contribui ba modernização instituição parlamentar sira-nian.
Iha 2014, Parlamento Nacional nia funcionário sira hola parte tiha ona iha encontro sira tuirmai ne’e, ne’ebé ASG-PLP promove:
I Encontro hussi Quadros Gestão Patrimonial nian hussi Parlamento sira-ne’ebé ko’alia Lian Português, iha 7-11 julho 2014, iha Assembleia da República de Portugal, iha Lisboa;
IX Encontro hussi Quadros Informática nian, iha 8-22 agosto 2014, iha Câmara dos Deputados do Brasil, iha Brasília.
Ita-Boot bele acompanha ASG-PLP nia atividade iha página www.asg-plp.org .
