Parlamentu Nasionál, liu husi Komisaun Espesializada Permanente sira, halo atividade komisaun hanesan tuir mai ne’e: Komisaun A ne’ebe trata Asuntu Konstitusional no Justisa, halo apresiasaun no aprovasaun ba relatoriu no pareser konaba Proposta Lei Nu. 6/VI (1a) -Alterasaun Da-ruak hosi Lei Nu. 8/2009,15 fulan junu konaba Komisaun Anti Korupsaun nian. Além de ne’e, halo mos apresiasaun no aprovasaun ba Petisaun Nu.3 /VI (1a) kona-ba Proposta rekerimentu sidadaun Alzira Ximenes inklui nota informativa ba keixa ida husi Señor Carlos Soares.
Enkuantu Komisaun F , ne’ebe trata Asuntu Saúde, Seguransa Sosial no Igualdade Jéneru, halo Audiénsia Públiku ho Konsellu Kombatente Libertasaun Nasional sira (CCLN) kona-ba Proposta Lei Nu.7/ VI (1a) -Alterasaun da-toluk husi Lei Nu.3 /2006,12 fulan abril, (Estatutu Kombatente Libertasaun Nasional )
Ikus liu, Komisaun C, ne’ebe trata Asuntu Finansas Publika, Komisaun D, ne’ebe trata Asuntu Ekonomia no Dezenvolvimentu, Komisaun E ne’ebe trata Asuntu Infreastrutura, no Komisaun G, ne’ebe trata Asuntu Edukasaun, Juventude, Kultura no Sidadania halo fiskalizasaun ba iha munisipiu Aileu, Ermera, Manifahi Baucau no Komisaun B ne’ebe trata Asuntu Negosiu Estranjeiru, Defesa no Siguransa ho agenda nakloke. FIM
