Parlamentu Nasionál liu husi sesaun plenária extraordinária iha loron 12 fulan abril tinan 2024, halo diskusaun no aprovasaun ba pedidu urjénsia ba Proposta Lei numeru 6/VI(1ª) – Alterasaun daruak ba Lei numeru 8/2009, loron 15 fulan jullu, Lei kona-ba Komisaun Anti Korupsaun, ho 37 votu a favor, 0 kontra no 0 abstensaun.
Durante diskusaun, Maioria Deputadu konsiente katak importante no urjente atu halo alterasaun ba lei refere atu Parlamentu Nasionál bele eleje Komisariu KAK ida hodi hala’o nia funsaun ne’ebe tinan ida resin mamuk.
Deputadu sira no Governu rasik konsidera Lei Anti Korupsaun ne’e rasik sai bareira ba eleisaun ka nomesaun Komisariu KAK nian kuandu la iha konsensu politiku.
Ho aprovasaun ba karater urjensia ne’e, Parlamentu Nasionál sei halo diskusaun iha jeneralidade no espesialidade antes ba aprovasaun final global. FIM
