Comissão de Finanças Públicas Parlamento Nacional nian (Comissão C) sei hala'o iha 28-29 outubro 2014, iha Maubisse, seminário ida kona-ba tema "Orçamento Geral Estado nian - Panorama ba 2015", ne'ebé buka atu fó biban ba senhor Deputado sira atu desenvolve tan sira-nia capacidade hodi halo análise crítica ba alocação recursos públicos ba tinan ne'e mai.
Presidente do Parlamento Nacional, Vicente da Silva Guterres, sei marca presença hodi loke no taka seminário ne'e.
Convidado sira atu sai orador iha seminário ne'e inclui Ministra das Finanças, Banco Central Timor-Leste nian, Câmara de Contas, Autoridade Nacional de Petróleo, ONG Lao Hamutuk, Secretariado Projeto Boot sira-nian, UN Women, União Europeia (UE), JICA, Asian Development Bank (ADB) e Banco Mundial.
Deputado sira Comissão C nian, Presidentes Bancada Parlamentar sira-nian, membros Mesa nian hussi Comissão sira seluk iha Parlamento Nacional de Timor-Leste e representante hussi entidade pública oioin, organização internacional no ONG nacional balu sei hola parte iha seminário ne'e.
