Iha sessão plenária iha 27 outubro 2014 Deputado sira hili Sr. Silvério Pinto Batista atu sai Provedor dos Direitos Humanos e Justiça (PDHJ). Sessão ne’e Presidente do Parlamento Nacional, Sr. Vicente da Silva Guterres, mak preside, acompanhado ho membros Mesa nian sira-ne’e: Vice-Presidente Sr. Adriano do Nascimento, Secretária da Mesa Sra. Deputada Fernanda Lay e Vice-Secretária da Mesa Sra. Angelina Machado.
Iha candidato na’in-haat ne’ebé concorre ba posição ida-ne’e: Sr. Silvério Pinto Batista, Sr. Francisco Maria de Vasconcelos, Sr. Horácio de Almeida e Sr. José Luís de Oliveira. Hussi candidato na’in-haat ne’ebé concorre atu sai Provedor dos Direitos Humanos e Justiça, o Sr. Silvério Pinto Batista mak eleito ho voto 37, Sr. Francisco Maria de Vasconcelos hetan voto 23, no candidato sira seluk la hetan voto ida iha eleição ne’e.
Liutiha eleição, Presidente do Parlamento Nacional, Sr. Vicente da Silva Guterres fó-hatene Plenário katak cerimónia ba Provedor dos Direitos Humanos e Justiça atu Hola Posse sei hala’o iha dia 30 de outubro de 2014. Presidente do Parlamento hatutan katak, molok hola posse, hodi hahú mandato durante tinan haat, Provedor dos Direitos Humanos e Justiça ne’ebé foin eleito tem que hatama declaração de bens ba Parlamento Nacional Timor-Leste nian.
