Pagina Inicial»Noticia
Parlamentu Nasionál iha loron 4 fulan setembro tinan 2023, enseira ona semináriu kona-ba Parlamento Nacional, Democracia e Relações Internacionais, iha sala plenária.
Semináriu ba loron daruak ne’ebé enseira mós atividade refere, orador sira kontinua halo aprezentasaun ba matéria sira hanesan; Eis Prezidente Parlamentu Nasionál, Arão Noé de Jesus, aprezenta matéria kona-ba funsionamentu Parlamentu Nasionál nian; Deputadu David Dias Ximenes, aprezenta matéria kona-ba étika no dixiplina iha plenário; Diretor Rekursu Humanos, Helio Magalhães ho Diretora Jestaun Finanseira Parlamentu Nasionál, Natália Bere, aprezenta matéria kona-ba forma efetivasaun direitu Deputadu sira nian; Xefe Divizaun Relasaun Internasionais, Kooperasaun no Protokolu, Joaninha da Costa, aprezenta matéria kona-ba prosedimentu dezlokasaun ba estranjeiru; Diretor Komunikasaun, Vitorino dos Reis, aprezenta matéria kona-ba servisu komunikasaun, e-parliament, radio televizaun Parlamentu Nasionál no programa lian povu; Diretora ba Asuntu Seguransa Sosiál Ministériu Solidariedade Sosiál, Aida Mota, aprezenta matéria kona-ba rejime kontributivu ba seguransa sosiál no Diretor Jeral ba Sensibilizasaun Komisaun Anti korrupsaun, Rosário Salsinha de Araujo, aprezenta matéria kona-ba deklarasaun bens.
Atividade semináriu ne’e enseira husi Viseprezidente Parlamentu Nasionál, Alexandrino Afonso Nunes, ne’ebé ko’alia kona-ba importánsia no servisu Deputadu sira nian liga ba matéria hirak ne’ebé orador sira aprezenta. FIM
