Iha loron 14 to’o 17 fulan janeiro 2015, Divisão de Redação, Audiovisual, Transcrição e Documentação (DIRAT), hala’o retiro iha Com, Distrito Lautém, nu’udar parte hussi avaliação ba serviço funcionário sira DIRAT nian iha tinan 2014 nia laran.
Participa iha retiro de avaliação ne’e: Diretor de Apoio Parlamentar, Sr. Adelino Afonso de Jesus, Chefe DIRAT, Sr. Almério Maria Barros, Chefe DICOM, Sr. Paulo da Costa Nunes, Chefe DIPLEN, Sr. Armando Machado, Chefe DIRPEC, Srª Guilhermina Barbosa no funcionário DIRAT hotu.
Matéria sira ne’ebé apresenta iha retiro ne’e mak hanessan:
Serviço redator sira-nian, resultado no desafio; Serviço revisor sira-nian, resultado no desafio; Experiência ne’ebe redator sira hetan durante estágio iha Assembleia da República de Portugal; Importância serviço redação/transcrição ba Parlamento Nacional; Sentido de Responsabilidade iha serviço nu’udar servidor do Estado;
Análise SWOT aplicado ba serviço redação/transcrição. Orador sira iha retiro ne’e mak Sr. Adérito Hugo da Costa, Vice-Presidente do Parlamento Nacional, ho Sr. Rui Gomes, Assessor pessoal Presidente da República nian.
