Iha 17 de fevereiro de 2015, iha sala de conferências Parlamento Nacional nian, hala’o cerimónia tomada de posse ba Revº Pe. Júlio Crispin Ximenes Belo, nu’udar membro do Conselho Consultivo do Fundo Petrolífero, representa confissões religiosas. Cerimónia ida ne’e preside hussi Sua Exª Presidente do Parlamento Nacional, Sr. Dr. Vicente da Silva Guterres.
Participa iha cerimónia ne’e: Vice-Presidente do Parlamento Nacional, Sr. Adérito Hugo da Costa, Secretária da Mesa, Srª. Maria Fernanda Lay, Secretário-Geral do Parlamento, Senhor Dr. Mateus Ximenes Belo, no membro CCFP sira seluk.
Iha ninia intervenção ba sessão de abertura, Presidente do Parlamento Nacional ko’alia kona-ba falta membro ida ba CCFP ne’ebé Presidente do Parlamento mak tem que nomeia. Questão ne’e pendente desde mandato hussi ex-Presidente Parlamento Nacional, Sr. Fernando La Sama de Araújo, ne’ebé assume tiha cargo nu’udar Vice-Primeiro-Ministro iha V Governo Constitucional no agora daudaun sai hanessan Ministro de Estado, Coordenador dos Assunto Sociais e Ministro da Educação. Presidente do Parlamento Nacional sei hanoin kona-ba assunto ida-ne’e atu bele hili ema ida hodi hola parte iha CCFP.
Iha cerimónia ne’e, Revº. Pe. Júlio Crispin Ximenes Belo, nu’udar empossado, lê Compromisso de Honra, ne’ebé sai hanessan compromisso hodi aceita atu sai membro CCFP no cumpre ho lealdade ba função sira ne’ebé simu no halo tuir leis ne’ebé vigora. Período mandato nu’udar membro CCFP hahú iha 17 de fevereiro de 2015, no remata iha 18 de fevereiro de 2020.
Iha ninia intervenção badak, Revº. Pe. Júlio Crispin Ximenes Belo hateten katak, em nome pessoal e em nome das confissões religiosas incluindo diocese tolu, no principalmente em nome do Presidente da Conferência Episcopal ne’ebé nomeia nia hodi sai representante hussi confissões religiosas atu hola parte iha CCFP nu’udar membro, nia hein katak bele contribui, serbissu hamutuk membro CCFP sira seluk, hodi bele exerce didi’ak funções ne’e, atu bele fó parecer kona-ba aplicação de receitas hussi Fundo Petrolífero ba Membro Parlamento sira.
Ikus liu Presidente do Parlamento Nacional hato’o desejo de bom trabalho ba membro CCFP sira hotu, hein katak membro CCFP sira bele halo serbissu di’ak hodi analisa no haree impacto hussi variação iha mina-rai nia folin atu nune bele aconselha senhor deputado sira.
