Pagina Inicial»Noticia
Prezidente Parlamentu Nasionál, Maria Fernanda Lay, simu audiénsia husi Prezidente Konsellu Imprensa, Otelio Ote, ho nia ekipa iha loron 31 fulan jullu tinan 2023, iha gabinete Prezidente nian.
Durante audiénsia, parte Konsellu Imprensa atualiza ba Prezidente Parlamentu Nasionál kona-ba servisu Konsellu Imprensa nian durante ne’e inklui mós estrutura Konsellu nian ne’ebé oras ne’e daudaun menus tanba membru balun hetan konfiansa ba membru Governu nune’e presiza substitui tuir lei ne’ebé mak iha.
Alem de ne’e ko’alia mós kona-ba ezisténsia media dijitál liga ba Lei Komunikasaun Sosiál 2014/5 loron 19 fulan Novembru.
Prezidente Parlamentu Nasionál esforsu atu iha tempu badak bele hili fila fali membru ida ba Konsellu Imprensa hodi kontinua servisu ho normal tuir planu no programa sira. FIM
