Pagina Inicial»Noticia
Komisaun F iha Parlamentu Nasionál ne’ebé trata asuntu Saúde, Seguransa Sosiál no Igualdade Jéneru, aprezenta nia relatóriu fiskalizasaun liu husi sesaun plenária ordinária iha loron 31 fulan jullu tinan 2023.
Relatóriu ne’ebé aprezenta ne’e Komisaun F halo fiskalizasaun ba Serviço Autónomo de Medicamentos e Laboratório de Saúde (SAMES, I.P), Hospital Nasionál Guido Valadares no Laboratório Nacional, iha semana hirak ba kotuk.
Além de ne’e, Bankada Parlamentar KHUNTO aprezenta deklarasaun polítika ne’ebé ko’alia kona-ba sidadaun balun utiliza media sosiál hodi halo ameasa ba lider nasionál balun.
Iha intervensaun diversa nian, Deputadu sira ko’alia kona-ba estrada, problema professor sira contratado, projetu pendente no asuntu importante sira seluk.
Sesaun plenária ne’e prezide husi Prezidente Parlamentu Nasionál, Maria Fernanda Lay akompaña husi membru Meza sira no hetan prezensa husi Vise-Ministru Asuntu Parlamentar, Adérito Hugo da Costa. FIM
