Pagina Inicial»Noticia
Prezidente Parlamentu Nasionál, Maria Fernanda Lay, simu vizita kortezia husi Primeiru-Ministru Portugal, António Costa ho nia delegasaun iha loron 26 fulan jullu tinan 2023, iha Parlamentu Nasionál.
Iha vizita kortezia ne’ebé simu diretamente husi Prezidente Parlamentu Nasionál akompaña husi membru Meza sira no Prezidente Bankada sira ne’e hahú ho troka prendas hanesan jestu amizade nasaun rua nian.
Hafoin ida-ne’e kontinua kedas ho diskusaun badak entre Prezidente Parlamentu Nasionál ho Primeiru-Ministru kona-ba interese nasaun rua ne’e nia iha área importante sira no tuir kedas vizita sala plenário no Uma Komunikasaun Parlamentu Nasionál nian antes termina vizita refere. FIM
