Iha loron 24 to’o loron 28 fulan agosto tinan 2015, Divisão de Redação, Audiovisual, Transcrição e Documentação (DIRAT), hala’o formasaun iha Sentru Formasaun Tibar atu oinsá hametin espiritu servisu nian no sai profisional liután iha nia área servisu loroloron.
Formasaun ne’e rasik hetan mós partisipasaun hussi funsionariu divizaun seluk iha Parlamentu Nasional hanessan; Divisão de Relações Publicas, Comunicação e Educação Cívica (DIRPEC), Divisão de Apoio Plenário (DIPLEN), no Divisão de Apoio as Comissões (DICOM).
Iha abertura ba formasaun ne’e, Diretor de Apoio Parlamentar Adelino Afonso de Jesus hatete formasaun ne’e importante tebes atu funsionariu sira ida-idak bele halo avaliasaun no oinsá mak bele servisu di’ak liután iha futuru oin mai.
Funsionariu ida-idak mós tenke iha kapasidade suficiente iha nia knaar loroloron, nune’e mós kaer metin espiritu ekipa iha serbissu nian hodi hetan rezultadu servisu ne’ebé di’ak.
Diretor D-PARL hatutan, liuliu katak DIRAT tenki esforsa an atu hadutu rezultadu servisu ne’ebé di’ak iha Sessão Legislativa mai ne’e.
«Ida-idak reflete an hodi dezenvolve no hatudu servisu ne’ebé di’ak» deklara Diretor D-PARL .
Orador ba formasaun ne’e mak hanesan:
Virgílio Fernandes (Diretor Fundasaun Haburas, Eis Diretor Rádio e Televisão de Timor Leste) José António de Jesus Das Neves (Adjunto Comissário CAC) Fernanda Sarmento Ximenes (Professora da UNTL) João Paulo Esperança (Professor Tetun) Hugo Fernandes (The Asia Foundation) Carlos da Silva Lopes Saky
Matéria ne’ebé apresenta iha formasaun ne’e mak hanessan; Prosesu Hakerek Lian Tetun, Lalaok Korupsaun no Ma-administrasaun, Industria Editorial, Importansia Informasaun Ba Parlamentu Nacional, Oinsa Mak Hakerek Artigu ka Opiniaun no Regra Hakerek.