Pagina Inicial»Noticia
Parlamentu Nasionál liu husi ekipa traballu Sekretariadu Jeral ba komemorasaun tinan 20 Konstituisaun Repúblika Demokratika Timor-Leste, realiza expozisaun no mini semináriu iha Munisipiu Ermera, iha loron 19 fulan agostu tinan 2022.
Atividade expozisaun no mini semináriu ne’e loke husi Vise-Prezidente Parlamentu Nasionál, Luis Roberto da Silva, akompaña husi Deputadu sira, Membru Asembleia Konstituinte no Prezidente Autoridade Munisipiu Ermera inklui konvidadu sira seluk.
Iha diskursu ba abertura, Vise-Prezidente Parlamentu Nasionál enkoraja povu tomak liuliu estudante sira atu fó valor ba Konstituisaun RDTL ne’ebe produz husi membru Asembleia Konstituinte sira iha tempu defisil.
Durante expozisaun no mini semináriu ne’e, membru Asembleia Konstituinte sira hanesan Elizario Ferreira no Maria G. da Costa Martins ko’alia kona-ba experensia iha prosesu elaborasaun Konstituisaun RDTL enkuantu Deputadu atual sira hanesan Deputadu Domingos Lopes Lemos no Elvina Sousa ko’alia kona-ba perspetiva Konstituisaun RDTL nian.
Sorin seluk, membru Asembleia Konstituinte Elizario Ferreira no Maria G. da Costa halo mós aprezentasun ba fotografia no dokumentu sira Asembleia Konstituinte nian ba partisipante sira liuliu estudante sira ne’ebe prezensa iha semináriu refere. FIM
