Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu vizita kortezia husi Prezidente Repúblika, José Ramos Horta, iha loron 17 fulan agostu, iha Parlamentu Nasionál.
Durante vizita ne’e, Prezidente Repúblika akompaña husi Prezidente Parlamentu Nasionál halo observasaun direta ba fatin servisu sira liuliu Diresaun no Divizaun sira inklui Bankada Parlamentar sira hodi haree kondisaun real no rona mós preokupasaun balun husi funsionáriu sira liga ba ambiente servisu nian.
Hafoin ida-ne’e halo reuniaun ho Prezidente Parlamentu Nasionál hodi atualiza no informa ba malu kona-ba esforsu sira ne’ebe presija halo liga ba futuru Estadu no povu nian. Sorin seluk husi vizita refere hanesan jestu ida hodi asegura nafatin komunikasaun entre orgaun soberania. FIM.
