Pagina Inicial»Noticia
Parlamentu Nasionál liu husi Diresaun Komunikasaun organiza semináriu ba jornalista sira husi orgaun komunikasaun sosial hirak ne’ebe destaka iha Parlamentu Nasionál.
Iha abertura ba semináriu ne’ebe realiza iha loron 5 fulan agosto tinan 2022, iha sala GMPTL ne’e, Sekretáriu-Jerál Parlamentu Nasionál, Adelino Afonso de Jesus hatete jornalista sira ne’ebe deskata iha Parlamentu Nasionál hanesan mós na’in no pertense ba Parlamentu Nasionál presija hatete kompetensia no funsionamentu orgaun soberania daruak ne’e ho nia prosesu sira.
Tanba ne’e liuliu ba jornalista sira importante tebes hatene funsionamentu no prosesu lejislativu sira ho nia terminolojia hodi divulga informasaun sira ho kualidade ba publiku.
Semináriu ne’e fahe ba parte rua hanesan parte dahuluk aprezentasaun materia kona-ba prosesu lejislativu komun husi orador Xefe Protokolu, Paulo da Costa Nunes, ne’ebe antes ne’e assume hanesan Xefe Divizaun Apoia ba Komisaun sira no Diretor Komunikasaun. No parte daruak avaliasaun servisu entre jornalista sira ne’ebe destakadu iha Parlamentu Nasional ho Divizaun Relasaun Publika, Komunikasaun no Edukasaun Sivika, ne’ebe lidera husi Xefe Divizaun DIRPEC, Agus dos Santos.
Durante aprezentasaun materia no avaliasaun servisu, jornalista sira aprezenta preokupasaun no sujestaun balun liga ba materia inklui servisu lorloron nian, ne’ebe hetan kedas resposta husi orador, no tuir kedas enseramentu husi Diretor Komunikasaun, Vitorino Fatima dos Reis. FIM
