Pagina Inicial»Noticia
Agencia Brasileira de Cooperação (ABC), kontinua iha komitimentu hodi apoiu Parlamentu Nasionál liuliu iha kapasitasaun rekursu umanu nian.
Embaixadór Brasil iha Timor-Leste, Maurício Medeiros de Assis, hatete Brasil hanesan nasaun ida ne’ebe belun diak liu Timor-Leste hodi apoiu dezenvolvimentu iha área rekursu umanu no seluk tan iha Timor-Leste liu husi kooperasaun oioin.
Tanba ne’e, ho Parlamentu Nasionál ba tinan 2022 sei halo kooperasaun ho ABC sei fó apoiu kapasitasaun iha área Takigrafia no relasaun publika no komunikasaun.
Sekretáriu-Jerál Parlamentu Nasionál, Adelino Afonso de Jesus, iha reuniaun ho Embaixador Brasil iha loron 3 fulan jullu tinan 2022, expresa sentimentu kontente no agradese ba kooperasaun ABC hodi kapasita rekursu umanu Parlamentu Nasionál nian.
Sekretáriu-Jerál promete tekniku sira Parlamentu Nasionál ne’ebe sei tuir formasaun iha área hirak ne’ebe mensiona sei aproveita di’ak ba servisu parlamentar nian. FIM
