Pagina Inicial»Noticia
Estajiariu sira ne’ebe mai husi Grace For Development (GFD), STVJ no UNTL iha Parlamentu Nasionál tuir formasaun kona-ba funsionamentu no kompetensia Komisaun Espesializada Permanente sira.
Formasaun ne’ebe realiza iha loron 28 fulan jullu tinan 2022, iha sala GMPTL ne’e, Xefe Divizaun ba Apoiu Komisaun sira, Jorge Paiva Araújo, explika ba estajiariu sira servisu no kompetensia komisaun sira-nian ho nia funsionamentu.
Alem de ne’e, Xefe Divizaun ba Apoiu Komisaun sira mós introduz pratika no tramitasaun sira iha Komisaun Espesializada Permanente sira tuir Rejimentu Parlamentu Nasionál hanesan mós kompetensia hirak ne’ebe Parlamentu Nasionál iha tuir Konstituisaun RDTL.
Durante formasaun, estajiariu sira husu mós pergunta balun liga ba servisu komisaun nian no hetan kedas explikasaun husi Xefe Divizaun ba Apoiu Komisaun sira. FIM
