Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Sekretáriu-Jerál Parlamentu Nasionál, Adelino Afonso de Jesus, halo reuniaun ho Ministru Asuntu Parlamentar, Ministru Justisa no Vise-Ministru Finansas, iha loron 26 fulan jullu tinan 2022, iha Gabinete Prezidente nian.
Durante reuniaun ko’alia kona-ba rai hodi harii edifisiu foun ba Parlamentu Nasionál, nune’e ministériu sira ne’e bele halo levantamentu no identifikasaun iha tempu badak antes entrega ba Parlamentu Nasionál hodi halo preparasaun no planu tekniku sira.
Horas ne’e daudaun, Governu indika rai-estadu nian iha parte Hera hodi harii edifisiu foun tuir nesesidade ne’ebe mak iha. FIM
