Pagina Inicial»Noticia
Parlamentu Nasionál iha sesaun plenária extraordinária, iha loron 14 fulan jullu tinan 2022, halo debate ho Governu liu husi Primeiru-Ministru, Taur Matan Ruak, kona-ba «Estado da Nação».
Iha debate refere ko’alia kona-ba politika no dezenvolvimentu Estadu iha setor oioin ho nia dezafiu sira durante implementasaun planu no programa haree husi Planu Estratejiku Dezenvolvimentu Nasionál 2011-2030.
Ko’alia mós kona-ba Dezenvolvimentu Kapital Sosial, Dezenvolvimentu Infraestrutura, Dezenvolvimentu Ekonomiku no Dezenvolvimentu Institusionál.
Prezidente Parlamentu Nasionál, Aniceto Longuinhos Guterres Lopes, hatete Parlamentu Nasionál termina sesaun lejislativa ne’e ho pedidu debate ho Primeiru-Ministru iha kontextu knaar fiskalizasaun politika tuir artigu 105 Rejimentu Parlamentu Nasionál nian.
Deputadu sira rekoñese Governasaun ida-ne’e sofre inpaktu global hanesan alterasaun klimatika, impaktu Covid-19, inklui funu iha Ukraina no Rusia hodi rezulta moras, mate no fó impaktu ba folin sasan aumenta.
Tanba ne’e husu nafatin Governu atu melhoria no konsentra ba planu no programa ne’ebe mak iha hodi aselera dezenvolvimentu nasionál. FIM
