Pagina Inicial»Noticia
Parlamentu Nasionál liu husi sesaun plenária iha loron 5 fulan jullu tinan 2022, halo debate ho Governu liu husi Ministeriu Edukasaun Juventude no Desportu.
Debate ne’ebe prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira ho prezensa husi Ministru Edukasaun Juventude no Desportu, Armindo Maia ho nia ekipa ne’e diskute kona-ba ezekusaun programa infraestrutura edukativa no prosesu rekrutamentu 975 profesor sira.
Deputadu sira husu atu Ministeriu Edukasaun kontinua rezolve problema edukasaun nian liuliu infraestrutura no rekursu umanu.
Sesaun plenária ne’e mós aprova iha final global ba Proposta Lei n.o 41/V(4ª) – procede à segunda renovação das medidas excecionais e temporárias de vigilância sanitária de resposta à pandemia de COVID-19, prorrogando a vigência do artigo 3º da Lei n.o 24 /2021, de 19 de novembro.
Entretantu iha intervensaun diversa nian Deputadu sira preokupa kona-ba inundasaun ne’ebe akontese iha Munisipiu Viqueque, Same, Lospalos no Covalima hodi estraga infraestrutura bazika sira.
Iha sesaun plenária ne’e mós Bankada Parlamentar KHUNTO no FRETILIN hato’ó-nia deklarasaun politika ne’ebe koalia kona-ba dezenvolvimentu Timor-Leste iha setor oioin no politika rai laran hodi afeta ba dezenvolvimentu nasionál. FIM
