Pagina Inicial»Noticia
Parlamentu Nasionál iha sesaun plenária ordinária, iha loron 20 fulan juñu tinan 2022, aprova ona iha jeneralidade ba Projetu Lei n.o 41/V(4ª) – Código do Direito de Autor, ho 51 votu a favor, 0 kontra no 0 abstensaun.
Antes halo aprovasaun, Komisaun G aprezenta uluk relatóriu no pareser tuir audiénsia ne’ebe komisaun halo ho entidade relevante sira.
Entretantu iha intervensaun diversa nian, Deputadu sira kestiona kona-ba atensaun husi Governu ba trabalhador timoroan iha rai-li'ur, ponte balun aat kleur ona maibé seidauk hadia, ekipa liña frente balun seidauk simu nia direitu no rekrutamentu guarda florestal ne’ebe deskonfia mosu irregularidade.
Ministru ba asuntu Parlamentar no Komunikasaun Sosial, Francisco Jerónimo hatete Governu kontinua rezolve preokupasaun kona-ba infraestrutura liuliu ponte no estrada, kona-ba ekipa liña frente Governu selu tuir dekretu lei ne’ebe mak iha inklui asuntu sira seluk. FIM
