Pagina Inicial»Noticia
Komisaun A iha Parlamentu Nasionál ne’ebe trata asuntu Konstitusionais no Justisa, iha loron 15 fulan juñu tinan 2022, finaliza ona diskusaun iha espesialidade ba Proposta Lei n.o 35/V(4ª) - Lei Radiofusão, iha Munisipiu Liquiça.
Diskusaun ne’ebe lidera husi Prezidente Komisaun A, Deputadu Joaquim dos Santos “Boraluli”, akompaña husi membru komisaun nian ne’e ho total 51 artigu.
Durante diskusaun ne’ebe hetan prezensa husi Sekretáriu Estadu ba Komunikasaun Sosial, Prezidente Konsellu Imprensa, Prezidente RTTL.ep, ne’e dikute klean kona-ba dimensaun sira iha proposta lei refere, liuliu kona-ba orgaun hirak ne’ebe hala’o knaar jornalistiku lukrutivu no naunlukrutivu.
Alem de ne’e regula no fó sansaun tuir norma ne’ebe mak vigora iha lei ne’e rasik inklui lei komunikasaun sosial.
Ho aprovasaun espesialidade ne’e, Komisaun A sei prepara relatóriu no pareser hodi aprezenta ba plenária no halo aprovasaun final global. FIM
