Pagina Inicial»Noticia
Parlamentu Nasionál iha sesaun plenária ordinária iha loron 14 fulan juñu 2022, aprova ona iha final global ba Projetu Lei n.o 40/V(4ª) – Lei ba Organizasaun no Investigasaun Kriminal, ho 55 votu a favor, 0 kontra no 0 abstensaun.
Deputadu sira no Ministru Justisa konsidera katak projetu lei ne’e importante tebes atu bele define ho klaru kompetensia no investigasaun ba kazu krime sira tuir delegasaun kompetensia husi Ministeriu Públiku ba PNSIK ka PCIC. Nune’e mós reforsa kooperasaun servisu entre instituisaun sira ne’e atu la bele iha interferénsia ba malu.
Entretantu iha intervensaun diversa nian, Deputado sira preokupa kona-ba foos mamuk iha armazém, irigasaun aat, rai atu harii edifisiu foun ba Parlamentu Nasionál, ruin husi saudozu sira ne’ebe too agora seidauk hetan inklui asuntu importante sira seluk.
Iha sesaun plenária ne’e mós Bankada Parlamentar KHUNTO aprezenta nia deklarasaun politika ne’ebe ko’alia kona-ba rai no espasu ba Parlamentu Nasionál atu harii edifisiu foun. FIM
