Pagina Inicial»Noticia
Deputadu sira iha Parlamentu Nasionál liu husi sesaun plenária ordinária iha loron 13 fulan juñu tinan 2023, kontinua sujere ba Governu liuliu ministériu kompetente atu rezolve problema infraestrutura bazika iha kapital Díli no munisipiu sira.
Deputadu sira konsidera infraestrutura bazika importante tebes atu fasilita komunidade sira liuliu agrikultor sira bele asesu ba merkadu no fasilita mós setor sira seluk hodi dezenvolve no aselera dezenvolvimentu.
Sesaun plenária ne’e mós baixa ba Komisaun B no Komisaun F Proposta Rezolusaun Parlamentu Nasionál n.o 16/V(4ª) – Ratifica para Adesão a Convenção sobre os Direitos das Pessoas com Deficiência no Proposta Rezolusaun Parlamentu Nasionál n.o 17/V(4ª) – Ratifica para Adesão o Protocolo Opcional à Convenção sobre os Direitos das Pessoas com Deficiência. FIM
