Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, partisipa iha Reuniaun Parseiru ba Dezenvolvimentu Timor-Leste (TLDPM) iha Ministeriu Finansas ho tema «Together We Work to Recover the Economy Towards a Risilient Society», iha loron 10 fulan juñu tinan 2022.
Reuniaun anual ho Parseiru Dezenvolvimentu ne’e loke husi Prezidente Repúblika, José Ramos Horta, akompaña husi Prezidente Parlamentu Nasionál, Primeiru-Ministru no Prezidente Tribunal Rekursu.
Eventu anuál ne’e mós marka inísiu Faze Preparasaun OJE 2023 molok Governu hakat ba Jornada Orsamentál ne’ebé sei realiza iha loron 30 fulan juñu 2022. Antes ne'e, Governu konklui ona Faze Planeamentu OJE 2023 ne'ebé termina ho aprovasaun husi Parlamentu Nasionál ba Lei das Grandes Opções do Plano 2023.
Reuniaun TLDPM ne’e hetan partisipasaun husi Órgaun Soberanu, Membru sira Oitavu Governu Konstitusionál, Korpu Diplomátiku, Parseirus Dezenvolvimentu, Organizasaun Sosiedade Sivíl, Reprezentante sira husi Konfisaun Relijiozu, Akadémiku no Setór Privadu sira. FIM
