Pagina Inicial»Noticia
Parlamentu Nasionál liu husi Komisaun F ne’ebe trata asuntu Saúde, Seguransa no Igualdade Jenéru, lidera husi Prezidente Komisaun F Deputadu Noé da Silva “Buka Tuir” akompaña husi membru komisaun sira halo fiskalizasaun iha Munisipiu Ermera.
Atividade fiskalizasaun ne’ebe hala’o iha loron 1 fulan juñu tinan 2022 ne’e hahú ho reuniaun responsável liña ministerial sira no kontinua kedas ba vizita sentru saúde Gleno no Sentru Saúde Railaku hodi observa diretamente kondisaun sentru saúde refere.
Prezidente Komisaun F hatete, komisaun halo atividade fiskalizasaun iha munisipiu refere tanba haree husi daduz, kazu dengue aumenta makas, nune’e bele observa direta no rona preokupasaun sira husi entidade relevante sira hodi buka solusaun.
Komisaun enkoraza nafatin liña ministerial sira atu kontinua servisu no jere orsamentu ne’ebe mak iha dezenvolvimentu liuliu responde nesesidade ne’ebe mak iha. Komisaun observa katak sentru saúde sira ne’e presija hadia no dezenvolve di’ak liu tan hodi atende pasiente sira. FIM
