Pagina Inicial»Noticia
Parlamentu Nasionál liu husi Komisaun A ne’ebe trata asuntu Konstitusionais no Justisa, finaliza ona diskusaun ba Lei Organizasaun no Investigasaun Kriminal iha espesialidade.
Diskusaun ne’ebe lidera husi Prezidente Komisaun A, Deputadu Joaquim dos Santos «Boraluli», iha loron 25 too 27 fulan maiu tinan 2022 ne’e hahú diskute artigu dahuluk too 31 no proposta 24 husi lei refere.
Durante diskusaun ne’ebe hala’o iha Munisipiu Liquiçá ho prezensa husi Deputadu sira Komisaun B nian, halo diskusaun klean kona-ba kompetensia polisia nian ho PCIC (Policia Cientifica de Investigação Criminal) ba asuntu prosesual no kriminal.
Sorin seluk ho definisaun kompetensia ne’e haree mós kooperasaun servisu entre instituisaun rua ne’e ba investigasaun no prosesu kriminal nian.
Diskusaun refere hetan prezensa husi Prokurador Jeral Repúblika, Ministru Justisa, Diretur PCIC ho nia adjunto, Komandante Jeral PNTL no konvidadu sira seluk. FIM
