Pagina Inicial»Noticia
Parlamentu Nasionál liu husi sesaun plenária ordinária iha loron 30 fulan maiu tinan 2022, aprova votu kongratulasaun n.o 14/2022, kongratulasaun ba nomeasaun Kardeál Arsebispu Metropolitana Díli, D. Virgílio do Carmo da Silva, ho 51 votus a favor, 0 kontra no 0 abstensaun.
Parlamentu Nasionál konsidera nomeasaun refere hanesan momento istoriku iha história Timor-Leste, sai kardeál dahuluk ba uma kreda Timor-Leste.
Bankada parlamentar hotu-hotu fó apresiasaun tanba orgaullu boot ba povu Timor-Leste tomak ne’ebe maioria sarani katólika.
Iha sesaun plenária ne’e mós, Komisaun Anti Korupsaun liu husi Komisariu Sérgio Hornai, aprezenta relatóriu anual 2021 nian.
Entretantu iha intervensaun diversa nian, Deputadu sira husu ba Governu liuliu Instituto Jestaun Ekipamentu (IJE) kontinua halo intervensaun ba estrada rural no hirak ne’ebe konsidera ameasadu, rezolve estatuto professor sira kontratadu, bee-moos ba komunidade no asunto importante sira seluk.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira. FIM
