Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Membru Meza no Deputadu sira, fó posse ba Prezidente Repúblika eleitu, Jose Ramos Horta, iha loron 19 fulan maiu tinan 2022, iha Tasi-Tolu Díli.
Serimonia toma de posse ne’e hetan prezensa husi konvidadu nasional no internasional sira hanesan Prezidente Repúblika Portugal, Governador Austrália no konvidadu sira seluk.
Iha eventu importante ne’e, Prezidente Parlamentu Nasionál, Prezidente Repúblika eleitu no Prezidente Repúblika sesante idaidak hatoo nia diskursu ne’ebe koalia liu kona-ba situasaun politika no dezenvolvimentu Timor-Leste nian.
Iha loron tuir mai, iha 20 loraik, Parlamentu Nasionál halo sesaun solene ba komemorasaun Tinan 20 Konstituisaun RDTL.
Iha sesaun solene ne’e hetan prezensa husi Prezidente Repúblika, Jose Ramos Horta, Prezidente Repúblika Portugal, Marcelo Rebelo inklui konvidadu sira seluk.
Durante eventu sira ne’e, Prezidente Parlamentu Nasionál simu audiénsia husi nia omologo Vise-Prezidente Asembleia Repúblika Portugal, Edite Estrela, nomós embaixador sira hodi diskute no partilla nesesidade sira kona-ba dezenvolvimentu nasionál.
