Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu audiénsia husi Prezidente Komisaun Funsaun Públika ho nia ekuipa, iha Gabinete Prezidente Parlamentu Nasionál nian, iha loron 13 fulan maiu tinan 2022.
Iha audiénsia ne’e, Prezidente Komisaun Funsaun atualiza servisu Komisaun Funsaun Públika nian liuliu dezafiu no progresu ba Prezidente Parlamentu Nasionál. Maibé objetivu prinsipal husi audiénsia refere atu informa ba Prezidente Parlamentu Nasionál kona-ba relatóriu anual Komisaun Funsaun Públika 2021 nian ne’ebe sei aprezenta ba Parlamentu Nasionál liu husi sesaun plenária.
Prezidente Parlamentu Nasionál apresia servisu Komisaun Funsaun Publika nian no sujere atu kontinua melhoria iha futuru.
Kona-ba ajendamentu ba aprezentasaun relatóriu iha plenária, sei hein desijaun iha reuniaun líder bankada sira tanba horas ne’e daudaun Parlamentu Nasionál sei konsentra maximu ba eventu investidura Prezidente Repúblika eleitu no Sesaun Solene ba tinan 20 Konstituisaun RDTL.
