Pagina Inicial»Noticia
Parlamentu Nasionál iha sesaun plenária ordinária iha loron 9 fulan maiu tinan 2022, halo ona aprovasaun iha jeneralidade ba Orsamentu Jeral Estadu Retifikativu 2022 nian ho 36 a favor, 24 kontra no 5 abstensaun.
Diskusaun no aprovasaun ne’ebe prezide husi Prezidente Parlamentu Nasionál ne’e hahú ho aprezentasaun proposta OJE Retifikativu husi Primeiru-Ministru,Taur Matan Ruak, no kontinua kedas ho aprezentasaun relatóriu no pareser husi Komisaun C ne’ebe trata asuntu Finansas Públikas.
Hafoin ida-ne’e Governu liu husi Primeiru-Ministru no Ministru Finansas responde no fó pojisaun Governu nian liga ba relatóriu ne’ebe Komisaun C aprezenta.
Liu husi diskusaun naruk, ikus liu ho dekalarasaun bankada parlamentares, Deputadu sira halo kedas votasaun iha jeneralidade ba OJE Retifikativu refere.
Ho aprovasaun jeneralidade ne’e, Deputadu sira sei kontinua halo diskusaun iha espesialidade iha loron 10 fulan maio tinan 2022.
