Pagina Inicial»Noticia
Komisaun Espesializada Permanente sira, iha loron 5 fulan maiu tinan 2022, termina ona audiénsia publika ba Orsamentu Jerál Estadu Retifikativu 2022 nian.
Audiénsia publika ne’e realiza durante loron tolu hahú iha loron 3 too 5 fulan maiu. Iha audiénsia refere Deputadu sira iha komisaun espesializada halo diskusaun klean kona-ba ezekusaun OJE 2022 no politika inklui programa iha OJE Retifikativu.
Iha diskusaun ikus ne’e, Komisaun Espesializada balun halo ona aprovasaun ba relatóriu no pareser hodi submete ba Komisaun C ne’ebe trata asuntu Finansas Públikas antes apresenta ba plenária. FIM
